खानापूर आणि आटपाडी तालुक्यातील लाभ क्षेत्रा बाहेरच्या

याच साठी सुरु आहे सगळा अट्टहास . . .
खानापूर आणि आटपाडी तालुक्यातील लाभ क्षेत्रा बाहेरच्या गावांच्या समावेशासाठी तातडीने सर्वेक्षण करा
 आणि महिना भरात अहवाल सदर करा
- जलसंपदा मंत्री शशिकांत शिंदे यांचे आदेश.
मुंबईतील विशेष बैठकीत दिले आदेश - माजी आमदार अनिल बाबर, आर आर आबा यांची उपस्थिती

आधी पतंगराव आणि आता आपले आबा !

आधी पतंगराव आणि आता आपले आबा !
मित्रांनो, आपल्या जिल्ह्यातील मंत्री हे राज्याचे मंत्री नसून ते केवळ मतदार संघाचे मंत्री आहेत अशी टीका अनेक वेळा केली जाते.
आता ही खालची बातमी वाचल्या नंतर तुम्हाला काय वाटते ?
काही कळले नसेल तर आणखी खुलासा करतो; मुळात टेंभू योजना ही केवळ खानापूर , आटपाडी आणि फार तर सांगोला तालुक्यां पर्यंत मर्यादित होती. तासगाव आणि कवठे महांकाळ चा समावेश त्यात मागाहून करण्यात आला. हा झाला जुना इतिहास. सुरुवातीला ज्या तालुक्यासाठी हि योजना तयार केली तो तालुका, म्हणजे खानापूर. कारण या योजनेचे जनक माजी आमदार अनिल बाबर हे याच तालुक्यातील राहणारे. या तालुक्याचे दुर्दैव असे कि खानापूर सोडून आटपाडीला पाणी काही अंशी का होईना मिळू लागले आहे. तर तासगावला पाणी देण्यासाठीची विसापूर- पुनदी योजनेची कामे अंतिम टप्प्यात आली आहेत. राज्याचे गृहमंत्री आर आर आबा यांनी कवठे महांकाळ या आपल्या मतदार संघात टेंभू चे पाणी कसल्याही परिस्थितीत येत्या विधानसभा निवडणुकी पूर्वी न्यायचेच असा चंग बांधला आहे. त्या दृष्टीने गेल्या दोन महिन्या पूर्वीच ढालगावला पाणी नेण्यासाठीचे नियोजन केले गेले. मुळ आराखड्यात नसलेल्या या ढालगाव आणि परिसराला पाणी देण्यासाठी सर्वेक्षण करण्यात आले. त्यानंतर त्याप्रमाणे आता योजनेच्या निविदा ही काढण्यात येणार आहेत. आचार संहिता संपल्या नंतर लगेच निविदा सुद्धा निघतील, आणि कडेगाव तालुक्यां प्रमाणेच ढालगाव सह कवठे महांकाळ तालुक्यातील जवळपास सगळे तलाव टेंभूच्या पाण्याने भरतील.
इकडे खानापूर तालुक्यात मात्र खानापूर - तासगाव हा मुळचा 105 किलो मीटरचा कालवा 41 किलो मीटर पर्यंत मर्यादित केला आहेच. शिवाय ज्या खानापूर तालुक्याच्या गोरेवाडी आणि कचरेवाडी या दोन कालव्यांची कामे 2002 पूर्वी सुरु झाली होती ती अद्याप 30 टक्के सुद्धा झालेली नाहीत. आता तर संपूर्ण तालुक्याला टेंभूचे पाणी मिळवून देण्याच्या नावाखाली या दोन्ही कालव्यांचे भवितव्य अधांतरी आहे. आणि तालुक्यातील उरलेल्या (म्हणजे मूळ आराखड्यात नसलेल्या) गावांचे जे सर्वेक्षण ढालगाव वगैरे गावांच्या सर्वेक्षणा बरोबर व्हायचे होते ते अद्याप सुरु सुद्धा झालेले नाही. एकूणच खानापूर तालुक्याला टेंभू चे पाणी देण्याचे नियोजन कागदावर सुद्धा दिसत नाही. परिणामी तालुकावासीयांवर मात्र केवळ हातावर हात ठेवून बघत बसायची वेळ आली आहे.
मग तुम्हीच सांगा आपल्या जिल्ह्यातील मंत्री हे राज्याचे मंत्री नसून ते केवळ मतदार संघाचे मंत्री आहेत ही टीका रास्तच नाही का ?

खानापूर तालुक्यातल्या योजनेच्या कामांची काय अवस्था आहे ? 1

टेंभू योजनेच्या मूळ लाभधारक तालुक्यांत खानापूर तालुक्याचा समावेश आहे,  मात्र या योजनेची कामे सुरु होऊन तब्बल 16 वर्षे उलटल्या नंतरही

खानापूर तालुक्यातल्या योजनेच्या कामांची काय अवस्था आहे ?

टेंभू योजना आणि खानापूर घाटमाथा…

टेंभू योजनेच्या मूळ लाभधारक तालुक्यांत खानापूर तालुक्याचा समावेश आहे,  मात्र या योजनेची कामे सुरु होऊन तब्बल 16 वर्षे उलटल्या नंतर ही काय परिस्थिती आहे ?
टेंभू योजना आणि खानापूर घाटमाथा…

टेंभू योजना 4 वर्षात पूर्ण करा - मुंबई उच्च न्यायालयाचा आदेश

टेंभू योजना 4 वर्षात पूर्ण करा - मुंबई उच्च न्यायालयाचा आदेश
भारत सरकार म्हणजेच  केंद्र सरकार 63 टक्के रक्कम घालेल तर महाराष्ट्र राज्याने 37 टक्के रक्कम घालावी.
केंद्र सरकारच्या वेग वर्धित सिंचन प्रकल्प अर्थात ए. आय. बी . पी . तअ आता टेंभू योजनेचा समावेश  कधी होऊ शकेल असे वाटत नाही. कारण आज रोजी हि योजना 50 टक्के सुद्धा पूर्ण झालेली नाही. शिवाय ए. आय. बी . पी च्या निकषांत हि योजना बसूच शकत नाही. म्हणून आता थेट मुंबई  उच्च न्यायालयाने आता हा असा तोडगा काढला आहे. 

टेंभू कालव्यावरील पूल कोसळण्याच्या स्थितीत

महाराष्ट्र सरकारच्या भ्रष्ट कारभाराचा फटका बसला -DATE - 11/04/2014.
टेंभू योजनेच्या मुख्य कालव्यावरील पूल कोसळण्याच्या स्थितीत.

केवळ तीन - चार वर्षापूर्वी या पुलाचे काम पूर्ण झाले आहे.

खानापूर घाटमाथ्यावर कधी पाणी मिळणार ?

एकीकडे २०१४ च्या लोकसभेच्या निवडणुकांची रणधुमाळी सुरु आहे, 
तर दुसरी कडे खानापूर तालुक्याच्या पूर्व गावांना पाणी टंचाई जाणवू लागली आहे.
मागच्या तीन वर्षा पैकी  फक्त गेल्या वर्षी पाउस पडला. ज्या वेळी पाउस पडला त्यापूर्वी जलसंधारणेची कामे झाल्याने आणि बंधारे विशेषताः अग्रणी नदी पात्रातले नव्याने बांधलेले बंधारे  बऱ्यापैकी भरल्याने वाटले होते , आता किमान वर्ष भर पाणी टंचाई होणार नाही.
पण निसर्ग आणि त्या भागातल्या लोकांचा दुर्दैवाचा फेरा काही केल्या पाठ सोडायला तयार नाही. बंधारे केंव्हाच आटले, विहिरीही रिकाम्या होत आहेत कुपनलिकांचे पाणी खोल वर चालले  आहे. आणि ज्या एकमेव टेंभू योजनेचा भरवसा आणि त्या पाण्याच्या आशा लागून राहिल्येल्या आहेत ते टेंभूचे
 पाणी अद्याप कागदावर सुद्धा दिसत नाही…खानापूर घाटमाथ्यावरच्या गावांना आणि तिथल्या लोकांना कधी पाणी मिळणार ?
काय आहे नेमकी अवस्था टेंभू योजनेची ? आता ज्या पद्धतीने नियोजन आहे त्यातून तरी पाणी मिळेल का ? कुठवर काम झाले आहे ?
काय करताय सरकार, त्या सरकारचे मंत्री अधिकारी आणि नेते मंडळींचे काय चालले आहे ? या सगळ्या प्रश्नांची उत्तरे फक्त एका क्लिक वर
  महाराष्ट्रातीलच नव्हे तर संपूर्ण देशातील एखाद्या पाणी योजनेच्या समग्र माहितीसाठी वाहिलेला एकमेव ब्लॉग … http://tembhuchishwetpatrika.blogspot.in/  (कृपया ब्लॉग च्या सगळ्या नव्या आणि जुन्या पोस्ट्स पहा)